जीवन या मृत्यु ?

कवि प्रकाश अधिकारी

प्रियसी

मैले भने कै हो

उतिनै बेला

खुसि नै खुसीको

बहार दिन सक्दिनँ भनेर

तिमिलाई

र

वचन पनि त दिए कै  हुँ

आजीवन बेखुसी बनाउदिन भनेर

आखिर म

खै कहाँ आएर चुकेँ

अब तिमी आफैं भन

आफ्नो हृदय अनुवाद गरेर

⧭⧭⧭

तिम्रो खुसी कै निम्ति

सबै सबै साटीसकेँ

पैसासङ्ग- रगत

रहरसङ्ग  - खुसी

आगतसङ्ग - पुरै बिगत

फेरी पनि

तिमी संगै

हरेक क्षण कल्पनाको आकाशमा

शीर्ष–सुखमा उडान भर्न चाहान्छु ।

तिमीलई मञ्जुर छैन्???

अब के चाहान्छौ

भन

मेरो जीवन

या मृत्यु  ??